Covadonga Quintana Val, concelleira do Grupo Municipal do BNG na Corporación de Barreiros, ao abeiro da lexislación vixente presenta a seguinte moción relativa ao 8 de marzo, “Día Internacional das Mulleres”.

O consenso social conseguido canto á necesaria participación das mulleres na sociedade e canto á condena da violencia de xénero, non permitiu aínda a eliminación da lacra da violencia de xénero, nin evitou que aínda persistan obstáculos evidentes que dificultan que a sociedade responda plenamente ás necesidades e desexos das mulleres, así como que se teña en consideración a necesidade de traballar para eliminar a invisibilidade das mulleres ao longo da historia.