 El BNG de Burela insta al gobierno de la Xunta a que recupere el servicio de autopsias en el Hospital da Costa en Burela. Hacen esta petición recordando la utilización política que han hecho del sufrimiento de las familias, los representantes populares mariñanos. Según la responsable local del BNG, Inma Orol, Burela había recuperado el servicio pero pasado el 1 de marzo el servicio vuelve a centralizarse en Lugo, alegando dificultad para cubrir las plazas. Preguntan los nacionalistas donde está la intervención del diputado José Manuel Balseiro para dar solución al problema.
Calquera cidadán de Burela ou da Comarca pode recordar a utilización política do sufrimento das familias que fixeron os representantes do PP ( Srs Balseiro e Barcia) en relación co servizo de autopsias. Unha actuación de demagoxia sen límites, de amoralidade e de carroñeirismo político. Demostrando que todo lles vale con tal de sumar algún voto.
Compre recordar que foi o PP quen creou o Insitututo de Medicina Legal encargado entre outras cuestións da realización das autopsias, centralizando as de toda a provincia en Lugo capital.
O Insitututo foi posto en funcionamento e dotado de medios polo goberno anterior do PSOE e do BNG no ano 2006 aplicando o establecido no Decreto elaborado polo PP.
Ante a petición unánime de colectivos sociais e co apoio de todos os partidos políticos con presencia no Parlamento de Galiza, con data 1 de setembro de 2007, Burela e o conxunto da Mariña recupera o servizo. Amosando deste xieto a sensibilidade do goberno coas necesidades das familias afectadas. Para elo revisáronse os criterios científicos e organizativos adoptados polo PP e que centralizaran na capital provincial os servizos do IMELGA . Tomouse a decisión que correspondía en boa lóxica polas características dunha comarca como a Mariña cun importante desenvolvemento demográfico e económico, así como a considerable distancia da capital lucense.
Pasadas a eleccións do 1 de marzo coa victoria do PP o servizo volve centralizarse en Lugo aducindo excusas de prazas vacantes, que non se dan cuberto e dicindo que será unha situación transitoria.
Ante a problemática intervén o superdeputado e superperben e graciosamente remunerado Sr. Balseiro dicindo que intermediaría (O 16 de xuño) para dar solución á problemática xurdida sen que ata agora foran exitosas as súas presuntas intermediacións e sen que se teñan convocado manifestacións para pedir a recuperación do servizo a pesares da indignación de cidadáns da comarca ante tan esperpéntica e obscena actuación.
Tivemos a oportunidade de ver a verdadeira faciana e desvergonza a hora de actuar destes irresposanbles políticos e seguiremola observando cando se constate o incumprimento dunha boa parte das súas promesas e a súa permanente incontinencia verbal.
Dende a responsabilidade e tomando unha certa distancia no tempo a respecto de acontecementos dolorosos en relación cos últimos falecementos de persoas ás que se lles tivo que realizar autopsia, o BNG reclama a recuperación do servizo na Comarca coa maior urxencia. |
Últimas Noticias 
.JPG)
CURIOSO
Escrito por: eliberal () on 03-07-2009 11:50