|
El ayuntamiento de Burela pone en marcha una ocioteca durante este verano con la colaboración de la Cruz Roja. Se ha puesto en marcha con la intención de que los padres puedan conciliar la vida familiar y laboral durante los meses de verano. Está destinada a niños de entre 3 y 8 años, que además de divertirse van a recibir apoyo escolar por parte de los profesionales que los atenderán. El horario de funcionamiento será de las 09:00 de la mañana a las 14:00 de la tarde.
As Delegacións de Benestar Social e Traballo poñen en marcha este verán en colaboración coa Cruz Vermella unha ocioteca. Trátase, segundo Neves Cando, “dun programa de respiro familiar para o desenvolvemento integral dos nenos e nenas, facendo do xogo a ferramenta fundamental para acadar os obxectivos que dito desenvolvemento require”.
O programa está destiñado aos nenos e nenas con idades comprendidas entre os 3 e os 8 anos con pais e nais que traballan. A edil nacionalista explica que os obxectivos pasan por “promover dun xeito saudable o desenvolvemento cognitivo, psicomotor, afectivo e social das nenas e dos nenos. Axudalos a desenvolver a súa imaxinación e creatividade mediante o xogo e facer deste xogo non só un elemento lúdico senón que tamén axude á comunicación, ao traballo en equipo e ao respecto mutuo desenvolvendo en todo momento a capacidade de diversión”.
Na ocioteca traballaranse áreas como o xogo, o xogo libre ou de regras, o xogo cooperativo, a paz como valor e traballando na resolución positiva de conflictos, a coeducación fomentando a utilización non sexista dos xoguetes e dos espazos, o respecto polo medio ambiente, a saúde, a animación á lectura, expresión plástica e creativa, expresión musical e dramática ademáis de psicomotricidade. Neves Cando engade que “se empregará unha metodoloxía activa e participativa en todo momento”.
A ocioteca terá por escenario a Casa da Xuventude desde o 15 de xullo ata o 11 de setembro en horario de 9 da mañá a 2 da tarde en dous grupos, un no que estarán os nenos de 3 a 6 anos e outro no que estarán os de 6 a 8. Todas as familias que traballen durante o verán e que queiran que os seus nenos e nenas disfruten deste programa de actividades deberán inscribirse desde hoxe e ata o vindeiro 10 de xullo na Cruza Vermella de Burela “acreditando alí a situación laboral dos pais, porque o que pretendemos é conciliar a vida laboral e familiar dos pais e nais que traballan no verán e que poden optar por estas actividades para que os seus fillos poidan disfrutar e participar nestas actividades que organizamos facendo do xogo un elemento lúdico e didáctico”, seguiu a relatar a concelleira de Benestar Social.
A edil de Traballo de Burela, Sonia Fraga, asegura que este programa de respiro familiar ten como finalidade “establecer desde o Concello un servizo de atención e apoio aos pais e nais traballadores de Burela. Os nenos estarán atendidos de luns a venres no horario laboral entre as 9 da mañá e as dúas da tarde”. A concelleira socialista sinala que “será unha medida de apoio aos pais que están en activo neste momento e tamén pensando de maneira que os nenos poidan establecer un vínculo socializador e de adquisición de habilidades tanto educativas como lúdicas e sociais. Será un programa extenso cunha parte na que os nenos terán reforzo educativo e incluso poderánse divertir tanto dentro da Casa Xuventude como fora”. |
Últimas Noticias 
.JPG)
