O BNG co ánimo de seguir ofrecendo datos informativos sobre a xestión económica do PP á fronte do Goberno Municipal quer facer públicos os resultados a respecto dos remanentes de tesourería coñecidos, e expedentes de recoñecemento extraxudicial de créditos producidos pola mala administración da facenda local.

No caso do remanente de tesourería, unha magnitude que é clave para pulsar a boa ou mala administración na previsión de ingresos e que este goberno municipal engorda ano tras ano ao prever uns ingresos que na liquidación definitiva que non se producen, mais  sirven para presentar ante os cidadans orzamentos moi elevados alleos á realidade.

No caso do remanente de tesourería do 2006 ainda non temos datos concretos xa que non se produciu a liquidación definitiva, mais sí recentemente aprobouse por decreto da alcaldía e con oscurantismo polo malísimo resultado que ofrece un Remanente de Tesourería negativo correspondente ao ano 2005 de -1.715.834,36 €, unha cifra que asusta e demostra o triunfalismo na previsión de ingresos dese ano.

No caso do Recoñecemento Extraxudicial de Créditos, onde se inclúen gastos non orzamentados correspondentes a outras anualidades que foi necesario pagar dentro do exercizo 2006, os servizos de intervención presentaron o pasado 14 de novembro un expedente e informe no que se indica que para evitar a aprobación deste tipo de expedentes “debería facerse un maior control do gasto en cada exercizo”, unha recomendación que é constante e repetitiva por parte dos distintos inteventores que prestaron servizo para Concello de Cervo. Neste documento a Intervención Municipal presenta un montante total por ese concepto de 262.657,60 €, incluíndo facturas non pagadas en diversos conceptos, dende telefonía, electricidade, suministro de material, transporte, etc…, ainda que chama a atención o montante de propaganda e protocolo, onde figuran diversas facturas de restaurantes, agasallos e publicidade por importe de 12.500 €. Chove sobre mollado, xa que de exercizos anteriores os datos sobre remanentes negativos de tesourería tamen foron negativos, en 2004, -754.000 €, e de extraxudicial 486.000 €.

Sen poder avanzar as cifras correspondentes ao exercizo 2006 por non ter a liquidación definitiva, si se prevé segundo o avance elaborado o pasado mes de agosto, que o Recoñecemento Extraxudicial vai volver ser elevado.

O PP pode vender todo o fume que queira sobre a súa xestión económica, máis si se fan previsións de ingresos que logo non se producen e se gasta por encima das posibilidades obviando as recomendacións dos servizos de Intervención e incluso do propio Consello de Contas, só nos queda concluir que nin se sabe nin se quere apostar polo saneamento da facenda municipal.

Media de votos