O BNG votou no día de onte en contra do expediente orzamentario 2007, apresetado polo goberno municipal.

Temos que destacar, como unha das custión que valoramos positivas a súa presentación en prazo, a primeira deste goberno municipal, que foi fiscalizado polo Consello de Contas recentemente, entre outros por este motivo.

De ese total 4.126.668 € forman parte de 4 operacións de crédito a longo prazo, das cuáis só se amortizaran neste ano 500.000 €, ao contar con periodos de carencia que non eximirán do pago de xuros por importe de 127.600 €. Unha boa parte deste importe corresponde aos autos 4054/06 e 4407/06, do PLACER onde se obrigan a consignar 1.475.166 € que son intocables, máis sí se van pagar por estes 15.000 € anuais en concepto de xuros; hai que lembrar neste sentido que no ano 2004 xa foi consignada unha cantidade por este motivo de 1.035.000 € que como se ve sigue aumentando.

Dos Investimentos Reais, incluidas no Anexo de Investimentos cun importe de 2.834.661,97 €, é preciso restar xa que veñen contemplados neste apartado, 1.475.166 € do PLACER polo que esta cifra se vería reducida a 1.395.495,97 €. Hai que salientar a evidente falla de capacidade de xestión deste goberno municipal, xa que foi incapaz de acadar ningún acordo de investimento doutras administracións, nin da Xunta, nin da Deputación Provincial, nin do Estado, coa excepción de 50.000 € da Consellaría de Presidencia para equipamento do edificio anexo ao Concello, o que demostra o esgotamento e falla de ideas do Partido Popular. Neste apartado temén é preciso facer mención ao Convenio con promotores urbanísticos, que foi asinado o pasado 14 de novembro e ainda recibimos copia do acordo no día de onte; da cifra total consígnanse neste orzamento 963.574 €.

Temos que facer mención especial ao capítulo de Gastos de Persoal, cun importe de 2.914.000 €, 575.193 € máis que o ano 2006, un ano no que xa se incrementara a cifra neste concepto en relación ao anterior en 597.000 €. En dous anos o Concello de Cervo aumentou os gastos de persoal nun aumento porcentual que ronda o 67%, debido na súa maior parte á dotación de novas prazas de persoal funcionario e laboral fixo, ademais da masiva contratación de persoal eventual, que está a converter á entidade municipal na segunda empresa do Concello despois de Alcoa en número de empregados. A cifra que rondará as 200 persoas contrasta coa perda de poboación, de tal xeito que a cada veciño de Cervo lle costa mais de 600 € ao ano, sen contar coas dedicacións exclusivas, parciais e os pagos por asistencias a comisións dos membros do goberno.

Media de votos